Aurreko ikasturteetan, BAKETIK Arantzazuko bake zentroak emandako bi ikastarotan parte hartzeko aukera izan dugu, gure Ikastolan. Haietan aritu ginenon iritziz (gurasoak eta Ikastolako langileak), hura ikaskuntza-esperientzia oso esanguratsua izan zen benetan bizitzarako.
Orain, zuengana jotzen dugu ikastaroan parte hartzera gonbidatzeko:
“Izan Proposamena gurasoentzako eta hezitzaileentzako”
Helburuak:
• Izan Proposamenaren aplikazio praktikoari eta bere oinarrizko zortzi ikaskuntzei sarrera egitea.
• Bizitzarako eta bizikidetzarako hezkuntzan garrantzitsuena denaren inguruan gogoeta egiten laguntzea, bai banakakoa bai taldekakoa.
• Baliabide teorikoak eta iradokizun praktikoak eskaintzea, geure burua pertsona gisa hezten sakontzeko eta, era berean, besteei pertsona gisa hezten laguntzera bideratutako esperientzian sakontzeko.
• Erreferentzia-eremu bat sortzeko aukera eskaintzea, bi ondorio lortzeko: (1) abiapuntu eraikitzaile eta gizaki-eratzailea oinarri harturik, bizitzako eta bizikidetzako zailtasunei eta gatazkei aurre egitea ahalbidetuko duena; eta (2) giza izaeraren kausa eta helburu zintzoenak hezitzaileak bere baitan antzeman ditzakeen esperientzietan oinarrituko dituena.
BAKETIK ekimenak Ikastolan emanen du ikastaroa 2011ko otsailaren 18an, ostirala, 17:00etatik 20:00etara, eta otsailaren 19an, larunbata, 9:30etik 13:30era.
Ez da beharrezkoa aurreko ikastaroetan parte hartu izana.
Ikastolak, bestalde, ikastaroaren gastua gehienak lagunduko ditu diruz; beraz, zuentzako, 10 euro balioko du. Ikastolatik kanpoko jendea ere ekar dezakezue, baina 30 euro ordaindu beharko dute. Ordainketa ikastaroan bertan eginen da.
Edukiei buruzko argibideak esteka honetan aurkituko dituzue: http://www.baketik.org/es/la-propuesta-izan
Bestelako argibideetarako eta izena emateko, jo ezazue Ikastolako bulegoetan eta telefonoetan. (Izena emateko azken eguna, otsailaren 15a)
No hay comentarios:
Publicar un comentario